الثورة مابتلبسش بدلة

الثورة مابتلبسش بدله

أيها الساسة : اوعوا تنسوا اننا فى ثورة .

والثورة بهدلة وتراب ودم ونار بتحرق قذارة السنين اللى عشنا فيها .

الثورة .. هوجه

الثورة انتفاضه بعد ما الشريف زهق ومش قادر يستحمل الفساد

كلمناه بالحسنى . .... . حايلناه بس مانقدرش نصاحبه . كان أملنا انه يتوب قام هو زاد فى فساده وظلمه .

كنتوا عايزينا نعمل ايه ؟؟؟؟؟؟؟

كان لازم نعمل ثورة

وساعتها ماكنش ينفع نلبس بدله لاننا لازم نكون أحرار والبدلة بتاعة كلام مش فعل .

واحنا لاننا عارفين يعنى ايه ثورة مستنيين على امل اننا نخلص ونقدر ساعتها ونلبس البدلة .

يعنى ايه نخلص ؟؟؟؟؟؟؟؟

يعنى نحقق هدف الثورة . مش نشيل آلدو ونحط شاهين لالالالالالالا

ساعتها هنكون خسرنا مش كسبنا لان شاهين جاى جعان غير انه مريض بسنين عزاب قضاها تحت نظام آلدو .

ولاننا لسة فى الثورة هتلاقينا لابسين لبس الثورة واللبس ده صوته عالى وكلامه ناشف وطريقه واضح ومابيسمعش كلام حد الا إذا كان ماشي معاه فى نفس الطريق .

وهنفضل ماشيين فى نفس الطريق وراكبين نفس القطر ورايحين فى نفس الاتجاه لا بنتغير ولا بنلين .

ثورة يعنى ثورة ولابسين لبس الثورة .

طريق واحد وهدف واحد وأول ما نحقق هدفنا وننصر ثورتنا بتحقيق أهدافها كلها ساعتها بس هقولك يالا بقى نروح نستحمى ونحط عطر ونلبس البدلة علشان ساعتها هنكون عايزين نقعد قاعده هادية نقيم رحلتنا واللى جرى فيها ونحط خطه حقيقية علشان نساعد البلد كلها تشفى من مرض الفساد ونصحى كل اللى نام ونكبر كل اللى كانوا عايزينه يبقى صغير .

علشان كده بقولكم لبس البدلة دلوقتى تضامن مع الفساد وساعتها بتكون راكب قطر تانى مش بتعنا وعلى شريط تانى ولا يمكن نتقابل .

إذا كنت بتحب مصر اقلع البدلة والبس لبس الثورة

هيقولوا عليك شكلك وحش : هتقولهم : ثورة

هيقولوا عليك بلطجى : هتقولهم : ثورة .

هيقولوا عليك مهما يقولوا .............. برضه الثورة هى اللى هتكسب فى النهاية .

لان الثورة حق ........... والله دايما مع الحق

https://www.facebook.com/fagr.new